Il-Gżira hija belt fin-naħa tal-Majjistral ta’ Malta, bejn l-Imsida u Tas-Sliema. Dan il-lokal huwa msemmi wara l-gżira Manoel li tmiss ma din il-belt. Hija l-aktar magħrufa għall-“Yatch Marina”, kif ukoll għal numru ta’ ambaxxati barranin. Mill-Gżira wieħed jista’ jara veduta sabiħa tal-belt Valletta, l-aktar matul il-lejl, bid-dwal mixgħulin.

Knisja

Il-knisja parrokkjali tal-Gżira hija magħrufa lokalment bħala “tal-Ġebla“. Dan ġara wara fatt kurjuż, fejn xi baħrin xurbana bdew jitfgħu l-ġebel, u waħda minn dawn baqgħet imwaħħla bejn il-ħġieġ u xbieha tal-Madonna tal-Karmnu f’niċċa li kien hemm ma din id-dar. Dan l-inċident wassal sabiex tinbena kappella msejjħa Madonna tal-Ġebla. Fl-1921, il-Gżira saret parroċċa w inbniet knisja li ħadet post din il-kappella. Il-Knisja parrokkjali hija ddedkata lill-Madonna tal-Karmnu.

It-tieni kappillan fl-istorja tal-parroċċa tal-Gżira kien il-mibki Dun Karlu Manché, meqjuż mill-Gżirjani bħala qaddis.

Festa reliġjuża

Il-festa ad unur il-Madonna tal-Karmnu tiġi ċċelebrata fix-xahar ta’ Lulju.

Popolazzjoni

Il-popolazzjoni ta’ dan il-lokal hija ta’ 7,090, filwaqt li n-numru ta’ votanti skond l-aħħar reġistru elettorali ppublikat f’Ottubru 2007, hawa ta’ 5,447.

Tagħrif importanti