L-Isla, magħrufa ukoll bħala Citta’ Invicta, jew aħjar belt qatt mirbuħa, b’referenza għall-Assedju l-Kbir ta’ l-1565. Isem ukoll attribwit għal din il-belt huwa Senglea, wara l-Gran Mastru tal-Kavallieri ta’ l-Ordni ta’ San Ġwann, Claude De La Sengle. Hija waħda mit-tliet ibliet tal-Kottonera, flimkien mal-Birgu u Bormla.

Knejjes

Il-knisja parrokkjali ta’ l-Isla hija ddedikata lit-twelid tal-Verġni Marija u x’aktarx inbniet mill-arkitett Vittorio Cassar fl-1580 bħala monument għar-rebħa fl-Assedju l-Kbir tal-1565. L-Isla saret parroċċa fl-1581 u ġiet ikkonsagrata fl-1743.
Dan il-lokal huwa wkoll magħruf għall-istatwa mirakoluża ta’ Ġesù Redentur li jinsab fl-oratorju tal-bażilika.

Festi reliġjużi

Il-festa ta’ Marija Bambina tiġi ċċelebrata fit-8 ta’ Settembru, magħruf ukoll bħala Jum il-Vitorja.

Popolazzjoni

Il-popolazzjoni ta’ dan il-lokal hija ta’ 3,074, filwaqt li n-numru ta’ votanti skond l-aħħar reġistru elettorali ppublikat f’Ottubru 2007, huwa ta’ 2,439.

Tagħrif importanti